Kapa Haka
Kia Aorangi Ake
"Ko tō wairua ki ngā taonga a ō tupuna Māori, hei tikitiki mō tō mahunga."
At MANUKURA kapa haka is used to contribute to the revitalisation and promotion of te reo Māori and tikanga Māori.
Kia Aorangi Taku Kaupapa
He kaupapa hei whakatairanga i te reo Māori me ōna tikanga. Ka kite ana te hunga mātakitaki i te kounga o ngā mahi, ka kite hoki i te kounga o te ao Māori. Nō reira, me tōngakingaki, me manawa tītī, me whakatangetange rīaka kia eke rā anō ngā mahi ki tētahi taumata tiketike. He kaupapa whakahirahira tēnei kia tū māia, tū Māori mai te rangatahi i tōna ao hurihuri. He kaupapa e taea ai te rangatahi te whakapuaki i ō rātou ake whakaaro mō ngā take hirahira o te wā mā ngā mahi a Hine-rēhia rāua ko Tāne-rore.
Ahakoa haere ai te rangatahi ki whea me tū māia, tū Māori mai, i tōna reo me ōna tikanga. Ko te whakawhanaungatanga, ko te manaaki, ko te mahi tahi a te tuakana me te teina anō hoki ngā hua o ēnei tū āhuatanga. Kei reira hoki te papa tū waewae o tātāwhāinga, heoi anō, me māia ia i tōna ake kura/marae i mua i te putanga atu ki mua i te aroaro o tūmatawhānui.
